Question 1

O‘quvchiman, kursimni topolmayapman. U qayerda?

Accepted Answer

Menta — ustozlar o‘z maktabini ochadigan platforma. Kursingiz ustozingizning maktabida, unga u yuborgan havola orqali kiriladi. Havola topilmasa, ustozingizga yozing: kirishni faqat u tiklay oladi.

Question 2

Telegramda olib borganimdan farqi nima?

Accepted Answer

Telegram — boshlash uchun zo‘r joy, undan chiqish shart emas: auditoriya, kanal va sotuv o‘sha yerda qolaveradi. Lekin o‘quvchi o‘nlab bo‘lgach, qo‘l mehnati boshlanadi: kirish berish, to‘lovni kuzatish, kim o‘qiyotganini bilish. Ana shu ishlarni Menta o‘z zimmasiga oladi. Telegram sotadi — Menta o‘qitadi.

Question 3

Obunani to‘xtatsam, kurslarim va o‘quvchilarim nima bo‘ladi?

Accepted Answer

Kontent ham, ma’lumot ham sizniki. Ketishdan oldin kurs materiallarini va o‘quvchilar ro‘yxatini natijasi bilan yuklab olasiz. Ma’lumotni ushlab qolmaymiz va bekor qilingan kuniyoq o‘chirmaymiz — olib ketishga vaqtingiz bo‘ladi.

Question 4

Telegramdan yoki boshqa platformadan ko‘chish qancha vaqt oladi?

Accepted Answer

Maktabning o‘zi taxminan yarim soatda sozlanadi. Kontentni ko‘chirish esa hajmiga bog‘liq: video va materiallar borligicha yuklanadi, darslar tuzilmasi bir necha bosishda yig‘iladi. Ko‘pchilik birinchi kursni to‘lov kuniyoq ishga tushiradi — ishga tushirish sessiyasida bu yo‘lni birga bosib o‘tamiz.

Question 5

O‘quvchilar qanday to‘laydi va kursga qanday kiradi?

Accepted Answer

To‘lov Payme va Click orqali, pul to‘g‘ridan-to‘g‘ri sizga tushadi. To‘lovdan keyin o‘quvchi kursga avtomatik qo‘shiladi. Kirish SMS bilan — email ham, parol ham kerak emas. Onlayn kursni birinchi marta ko‘rayotgan odam ham birinchi urinishda kiradi.

Question 6

Kurator va adminlarni qo‘sha olamanmi?

Accepted Answer

Ha. Har birining o‘z roli va huquqi bo‘ladi: kurator o‘z o‘quvchilarini ko‘radi va topshiriqni tekshiradi, administrator maktabni boshqaradi, siz hammasini ko‘rasiz. Standart’da jamoa 5 kishigacha, Pro’da 10 tagacha, Max’da cheklovsiz.

Question 7

Nega Menta — xorijiy platforma emas?

Accepted Answer

Uch narsa bu yerda hech qanday sozlashsiz ishlaydi: Payme va Click orqali so‘mda to‘lov, o‘quvchining SMS bilan kirishi, o‘zbek va rus tilidagi support — tez va aniq. Narx ham so‘mda, dollar kursiga qarab o‘zgarmaydi.

Bog‘lanish